O novo Centro de Capacitación dixital, unha iniciativa que forma parte do Plan de Recuperación, Transformación e Resiliencia, financiado pola Unión Europea Next Generation EU, e que foi posible grazas a unha axuda  outorgada polo Ministerio de Educación, Formación Profesional e Deportes na convocatoria de 2024.

O principal obxectivo deste centro é proporcionar formación en competencias dixitais, promovendo así a inclusión dixital e o desenvolvemento de habilidades tecnolóxicas entre as persoas residentes do concello e a comarca. As actividades formativas, que se desenvolverán durante un ano, son cursos de dixitalización moi prácticos, dirixidos a calquera persoa (desempregada ou traballadora) interesada en mellorar a súas competencias dixitais. Ademais o programa formativo correspóndese cos contidos dunha unidade de competencia do Catálogo Nacional de Cualificacións Profesionais (SNCFP), o que permitirá a acreditación do mesmo.

Coa creación deste Centro de Capacitación dixital, o Concello de Avión reafirma o seu compromiso coa modernización, a inclusión e o desenvolvemento da comunidade, aproveitando as oportunidades que ofrece a dixitalización para mellorar a vida dos seus habitantes.

Trátase dun programa con varias edicións do curso de capacitación dixital con diversidade horaria, co que obterán un certificado dun  total de 30 horas, distribuídas en módulos que poderá impartirse de maneira presencial, a distancia ou en modalidade mixta en función das características e demandas do alumnado, abarcando competencias transversais nun nivel de dominio básico tanto a nivel conceptual como de autonomía.

A formación proposta atenderá ás necesidades básicas sobre competencias dixitais que todo alumno/a debe alcanzar.

• AF 1. Información e alfabetización dixital
• AF 2. Comunicación e colaboración en liña
• AF 3. Creación de contidos dixitais
• AF 4. Seguridade na rede

 

* Cada un destes módulos  incluirá un apartado de resolución de problemas

A metodoloxía estará baseada na práctica e orientarase a que o alumnado adquira competencias técnicas e habilidades de maneira progresiva, con tres principios: a práctica, a colaboración e a autonomía.

Para conseguir o correspondente certificado de aproveitamento desta capacitación, o alumnado deberá superar satisfactoriamente polo menos o 80% do itinerario proposto.