Avión xa dispón de Fibra óptica. Dende o mes de xuño, os veciñ@s dos seguintes núcleos de poboación (Beresmo, San Xusto, Amiudal, San Vicente) poden contratar se o desexan coa súa compañía de servizos telefónicos a conexión ultrarrápida.
Gracias a este servizo Avión está á vangarda nas novas tecnoloxías, xa que facilitará a vida aos seus veciños, que dende hoxe poderán navegar a unha velocidade máis ampla e con maior calidade. O que favorece a vida no rural, tanto o teletraballo como a xestión de diferentes trámites, así como de negocios sen se ter que desprazar a outras cidades.
Así mesmo, a Xunta e a Administración Xeral do Estado continúan co proxecto de mellora das comunicacións móviles no rural mediante o Programa de Extensión de Banda Larga para despregar fibra óptica entre 2020 e 2021 polo que se irán incorporando máis núcleos de poboación entre os que estarían: Abelenda, A Carixa, Mouriscados, Amiudal, Cernadas, Baiste, Barroso, Couso, Belecón, Oroso e Porreira.