O Grupo de Emerxencias Supramunicipal de Avión (G.E.S.) é un Servizo de Emerxencias que está operativo os 365 días do ano as 24 horas do día.

Entre as funcións dos G.E.S. están as de:

• Atención en incendios urbanos.
• Apoio a incendios gorestais, en colaboración coa Consellería de Medio Rural.
• Realización de desbroces para a prevención de incendios forestais.
• Actuacións por inclemencias meteorolóxicas, onde existe un gran abano de intervencións tales como: desprendementos, limpeza de vías, verquidos en vías, retirada de árbores, sal en estradas…
• Colaboración coas Forzas de Seguridade: busca de persoas desaparecidas, aglomeracións, control de tráfico…
• Salvamento acuático.
• Retirada de enxames, recollida de animais feridos…
• Asistencia en accidentes de tráfico, laborais, deportivos… e un longo listado de actuacións relacionadas con Protección Civil.
• Colaboración cos Plans de Emerxencia da Xunta de Galicia e Concello de Avión:
  • SAPRAGA (Salvamento en praias de Galicia)
  • NEGA (plan de nevaradas en Galicia)
  • PEMU (plan municipal de emerxencias)
  • PLATERGA (plan territorial de emerxencias de Galicia)
• Outros tipos de riscos como escapes de gas, explosións, apertura de portas…

No ámbito sanitario o  G.E.S. de Avión é un dos poucos de Galicia que tamén incorpora un servizo de Asistencia Sanitaria con unha ambulancia asistencial, dando cobertura non so ao propio Concello, senón tamén a outros limítrofes en colaboración coa Fundación Pública Urxencias Sanitarias de Galicia-061.

O servizo de emerxencias do Concello de Avión tamén conta con unha Agrupación de Voluntarios de Protección Civil, estando dispoñibles para calquera actividade que sexa necesaria.